Коопсуздук биринчи орунда: ЕККУ Кыргыз Республикасында ок-дарыларды сактоо практикасын жакшыртууда

2024-жылдын 15-апрелинен - 19-апрелине чейин Чек ара кызматынын 20 офицери Кыргыз Республикасынын Ош шаарында “Ок-дарыларды бункерлерде сактоо” аттуу окуу курсун аяктады. Бул курс ок-дарыларды эл аралык техникалык колдонмого (IATG) ылайык бункерлерде сактоо практикасын жакшыртууга багытталган.

Ок-дарыларды туура эмес сактоо жана иштетүү улуттук коопсуздукка тобокел келтирип, мыйзамсыз жүгүртүү жана табигый кырсыктардын коркунучун күчөтөт. IATG колдонмосуна шайкеш келтирүү -  тобокелдиктерди натыйжалуу азайтып, уруксатсыз кирүүнү, туура эмес башкарууну жана мыйзамсыз каналдарды азайтууга жардам берет.

Окуу программасы теориялык жана практикалык бөлүктөн, анын ичинде ЕККУ жана IATG стандарттарын, ошондой эле ок-дарыларды логистика боюнча Австриянын тажрыйбасын камтыган. Катышуучулар, анын ичинде мекеме кызматкерлери кампа участокторун башкаруу боюнча практикалык билимге ээ болушту. Өзгөчө көңүл коопсуздук протоколдоруна, алдын алуу иш-чараларына, өзгөчө кырдаалдардын жол-жоболоруна жана эксплуатациялоо нускамаларына бурулду.

Мындан тышкары, катышуучулар мүмкүн болуучу коркунучтарды аныктоону жана ок-дарыларды сактоо менен байланышкан тобокелдиктерди азайтуу үчүн алдын алуу чараларды көрүүнү үйрөнүштү. Мындан тышкары, тренинг Кыргыз Республикасында ок-дарылардын физикалык коопсуздугуна жана запастарды башкарууга (PSSM) боюнча тренерлерди даярдоо программасын түзүүдө маанилүү кадам болду.

Бул курс Германия Федеративдүү Республикасы жана Америка Кошмо Штаттары тарабынан каржыланган “Кыргыз Республикасынын чек арасы аркылуу ок атуучу жана жеңил куралдардын, ок-дарылардын жана жардыргыч заттардын мыйзамсыз жайылуу коркунучун азайтуу” аттуу бюджеттен тышкаркы долбоордун алкагында ишке ашырылган. Курс PSSM боюнча окуу курстары аркылуу салым кошкон Австриянын Куралдуу Күчтөрүнүн өкүлдөрү менен биргеликте өткөрүлдү.